FINALE PROJEK OP WOES – AFSKEID (2016-01-06 tot 2016-02-07)Aangesien elkeen seker al die vreeslike hartseer nuus gekry het dat WOES op 14 Februarie 2016 sy deure op die web sluit het ek dit goed gedink om ons laaste projek weer vir die hele maand te loots sodat elkeen wat wil kan afskeid neem van 15 jaar se samesyn. Met hierdie laaste projek is daar geen beperkings op inskrywings nie. Die projek sluit 2016-02-07 en daar sal nog n week kans wees om die wenners van die laaste WOES projek te kan aankondig.

AFSKEID, wat kan mens alles hier onder verstaan en sê . . .

Afskeid by ‘n graf, Afskeid van ‘n kind wat gaan studeer, Afskeid van ‘n geliefde, Afskeid van ‘n kind wat gaan trou, Afskeid van familie/vriende wat verhuis/emigreer, Afskeid van ‘n era wat verby is . . .

Sterkte aan al ons skrywers. Die kompetsie is geldig van 2016-01-06 tot 2016-02-07. KOM WEES ASB DEEL VAN DIE LAASTE PROJEK!
Vandag in Woorde: NUWENUWE dui op 'n vernuwing, op die uitskop van ou gewoontes, sienings of goeters. Dis amper soos om jou ou vel af te skud en plek te maak vir 'n nuwe jy.

Wat beteken NUWE in jou lewe? Beplan jy enige nuwe dinge?

Ons sien uit daarna om jou bydraes te lees en jou NUWE ervarings te deel.

Beste Woeslid,

Ons wil jou graag help om die sluiting van Woes so glad moontlik te maak. Ons besef dat jou bydraes, kommentare en statistieke waardevol en kosbaar is. Jy kan dus al jou werke aflaai en stoor vir jou persoonlike gebruik. Volg net die volgende maklike instruksies:

Gebruik hierdie skakel om jou bydraes, kommentare en statistieke af te laai:
http://www.woes.co.za/data/request

Jy sal deur die stappe gelei word. Sodra ons jou bevestiging ontvang en die bywerking voltooi is, sal jy per epos verwittig word. Dit kan ’n paar dae neem omdat ons die uitvoer skeduleer om lading op die bediener te beheer.

Baie dankie vir jou bydrae om Woes.co.za die sukses te maak wat dit was.


Wat Woes bied

  • Publisering van Illustreerders se werke vir Afrikaanse Jeugverhale
  • Publisering van Musiek (in MP3 formaat) & Lirieke
  • Publisering van skryfwerk
    • Gedigte
    • Kortverhale
    • Artikels
    • Jeugverhale
    • Rubrieke
    • Resensies
    • Lirieke & Musiek
  • Nuusbriewe omtrent gebeure/inligting wat eg Afrikaans is
  • Bring u in kontak met bydraers om gepubliseerde werke aan te koop direk van die bydraers
  • Kompetisies met groot pryse op die spel met borge soos ATKV ens.

en vele meer...


Mari

deur Rachelle du Bois

Die pragtige Mari Wolmarans vat haar seuntjie en vlug weg uit ʼn gewelddadige huwelik. Sy is die rykmanslewe gewoond, maar nou is sy sonder heenkome of inkomste. Sy gaan woon by haar broer Thinus waar sy die aantreklike kunstenaar Dewald Bosman ontmoet. Sy is geskok en verward toe hy aanbied om met haar te trou ter wille van die drie-jarige Dirkie. Sy is nie gereed vir ʼn tweede huwelik nie, maar sy neem tog sy huweliksaansoek aan ter wille van haar seun. Dit sal egter slegs in naam wees tot sy anders besluit. Maar sal sy? Sal sy vir Dewald kan liefkry soos hy vir haar? Dewald is betower deur die verruklike Mari. Sy het sy voete onder hom uitgeslaan en sy enigste begeerte is om haar lief te hê as sy vrou. Die oulike Dirkie kruip vinnig in sy hart en hy neem hom voor om vir hom ʼn toekoms te verseker, want hy kan en hy wil. Vir Mari en vir Dirkie. Sal hy daarin slaag om haar hart te wen?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar